Softa.uz haqida

Softa.uz — O'zbekistondagi IT va kreativ xizmatlar bozori. Bu yerda xizmatlar, tayyor dasturlar va startaplar e'lonlari hamda mutaxassislar profillari joylanadi. Narx va muddat chatda kelishiladi, to'lov esa ish qabul qilinguncha hamyonda muzlatib turiladi.

Nima: Masofaviy IT va kreativ ishlar bozori: dasturlash, dizayn, marketing, video va boshqa yo'nalishlar.
Narxi: Foydalanish va bog'lanish hozircha bepul. Komissiya yo'q — buyurtmadan ham, hamyonni to'ldirish va pul yechishdan ham.
To'lov: Hamyon Click orqali to'ldiriladi. Taklif qabul qilinganda summa muzlatiladi va ish qabul qilingach mutaxassisga o'tadi.
Kirish: Google yoki Telegram orqali, iPhone'da Apple orqali ham. 18 yoshdan.
Qayerda: softa.uz sayti, Android va iPhone ilovalari.
Tillar: O'zbekcha, ruscha, inglizcha.
Yurituvchi: Core Team
Aloqa: ooo.core.team@gmail.com

Softa'da nimalar bor

Xizmatlar

Buyurtma asosida bajariladigan ishlar. 18 yo'nalish: veb ilovalar, mobil ilovalar, ilova dizayni, onlayn do'konlar, Telegram botlar, sun'iy intellekt, CRM tizimlari, ERP tizimlari, avtomatlashtirish, sayt dizayni, logotip va brend, ijtimoiy tarmoq dizayni, SMM, target reklama, reklama va SEO, animatsiya, video montaj, server va hosting.

Dasturlar

Sotuvdagi tayyor dasturlar va saytlar.

Mutaxassislar

Shaxslar va kompaniyalar profillari: nima qilishi, ko'nikmalari, portfoliosi va u haqidagi sharhlar. Yo'nalishlar: veb-ilova ishlab chiqish, mobil ilova ishlab chiqish, dizayn, AI va data, testlash, no-code, SMM, marketing, kontent, video montaj, 3D, ovoz.

Startaplar

Sherik, jamoa, mablag' yoki sotuv izlayotgan loyihalar haqidagi e'lonlar. Startap e'loni — loyiha haqidagi e'lon, xolos. Softa mablag' jalb qilish, startapni sotish yoki sotib olish bo'yicha kelishuvlarda qatnashmaydi va ularni rasmiylashtirmaydi: ular tomonlar o'rtasida bevosita, Softa'dan tashqarida tuziladi. Hamyon va takliflar faqat xizmatlar va dasturlar uchun to'lashga mo'ljallangan.

Qanday ishlaydi

Katalogdan yoki qidiruvdan kerakli xizmat, dastur yoki mutaxassisni toping. Katalogni hisobsiz ham ko'rish mumkin.
Hisob oching va e'lon egasiga chatda yozing: vazifa, narx va muddatni kelishing.
Mutaxassis chatda narx taklifini yuboradi.
Taklifni qabul qilganingizda summa hamyoningizda muzlatiladi. Hamyon Click orqali to'ldiriladi.
Mutaxassis ishni topshiradi: uni qabul qilasiz yoki qayta ishlashga qaytarasiz.
Ish qabul qilingach, summa mutaxassisga o'tadi. Topshirilgan ishga 72 soat ichida javob berilmasa, u avtomatik qabul qilinadi.

Mutaxassis bo'lish

Softa'da alohida rol tanlanmaydi: katalogni har kim ko'ra oladi, hisob ochgach esa buyurtma ham bera olasiz. Xizmat yoki dastur joylash uchun bir marta mutaxassis profilini to'ldirasiz — unda nima qilishingiz va qaysi yo'nalishlarda ishlashingiz yoziladi. Profil shaxs yoki kompaniya nomidan bo'lishi mumkin. Startap e'lonini profilsiz ham joylash mumkin.

Ishlab topilgan pul hamyonga tushadi va uni kartangizga yechib olasiz. Eng kam summa — 10 000 so'm; joriy qoldiq bundan kam bo'lsa, uni to'liq yechib olish mumkin. Komissiya yo'q. So'rov qo'lda ko'rib chiqiladi, bir vaqtda bitta so'rov yuborish mumkin.

To'lov xavfsizligi

Summa ish qabul qilinguncha hamyonda muzlatib turiladi.
Ishda muammo bo'lsa, uni qabul qilishdan oldin buyurtmada muammo haqida xabar bering va sababini yozing. Softa jamoasi uni ko'rib chiqadi va summani hamyoningizga qaytaradi yoki mutaxassisga o'tkazadi. Muammo ko'rib chiqilayotganda 72 soatlik avtomatik qabul ishlamaydi.
Mutaxassis buyurtmani bekor qilsa, to'langan summa to'liq hamyoningizga qaytadi.
Hamyonni to'ldirishda karta ma'lumotlari faqat Click'da kiritiladi va Softa'ga yetib kelmaydi. Pul yechish uchun kiritilgan karta raqami shifrlangan holda saqlanadi va so'rov bajarilishi yoki rad etilishi bilan o'chiriladi.
Ilovadan tashqaridagi to'lov va kelishuvlar faqat tomonlar o'rtasida bo'ladi, Softa ular uchun javob bermaydi.

Qoidalar

Nomaqbul kontent va haqoratli foydalanuvchilarga nisbatan murosasizmiz. Shikoyatlar 24 soat ichida ko'rib chiqiladi: qoidabuzar kontent olib tashlanadi, hisob bloklanadi.
Nomaqbul so'zlar ro'yxatidagi so'z bor e'lon, profil yoki sharh matni saqlanmaydi, chatda esa bunday so'zlar yulduzchalar bilan yashiriladi. Har bir e'lon va profil ustidan shikoyat qilish mumkin; suhbatda foydalanuvchi ustidan shikoyat qilish yoki uni bloklash mumkin.
“Namuna” belgili e'lon va profillar katalog qanday ishlashini ko'rsatish uchun joylangan. Ular haqiqiy taklif emas: ularga yozganingizni Softa jamoasi o'qiydi va javob beradi, buyurtma va to'lov esa bo'lmaydi.

Sayt va ilovalar

softa.uz — brauzerda, hech narsa o'rnatmasdan.
Android: Google Play.
iPhone: App Store.

Aloqa

Savol, taklif, xato yoki shikoyat bo'lsa, yozing: ooo.core.team@gmail.com. Odatda 1–2 ish kunida javob beramiz. Nomaqbul kontent, haqorat yoki firibgarlik haqidagi shikoyatlarga 24 soat ichida javob beramiz.

Pochta yoki chat orqali parol, SMS kod yoki karta raqamini hech qachon so'ramaymiz. Karta raqami faqat ilovadagi “Pul yechish” oynasida, hamyonni to'ldirishda esa Click'da kiritiladi.

Batafsil: ko'p so'raladigan savollar.